Maria Victoria Haas

Curriculum Vitae

La moderatura grischuna Maria Victoria Haas ei carschida si a Domat en siu vitg patern. Suenter la matura tip B (latin e lungatgs moderns) ella Scola cantunala a Cuera studegia ella cant ella Hochschule der Künste a Berna ella classa dad Elisabeth Glauser. Leu obtegn ella il diplom d’instrucziun da cant ed il diplom da concert. Naven dils 2006 tochen ils 2008 eis ella commembra dil Schweizer Opernstudio a Bienna. Maria Victoria Haas lavura sco cantadura libra ellas spartas opera, operetta, oratori e Lied e sco organista.

Dapi igl atun 2009 eis ella tier Radiotelevisiun Svizra Rumantscha (RTR) a Cuera, nua ch’ella moderescha en in pensum parzial il Telesguard. Pil Radio Rumantsch ha ella moderau diversas emissiuns, per exempel Da cumpagnia cun RTR a Domat il matg 2011.

Maria Victoria Haas moderescha era en tut ils quatter lungatgs naziunals, aschia per exempel dapil ils 2011 il gron concert da Nadal dalla SRG SSR Nadal, organisau dalla DRS Musikwelle, Radiotelevisiun Svizra Rumantscha (RTR), Radiotelevisione svizzera (RSI) e Radio Télévision Suisse (RTS).

Sper sia lavur per RTR e quella sco cantadura moderescha Maria Victoria Haas occurrenzas da differents geners: surdadas da premis, acts festivs, discussiuns al podium, concerts e conferenzas, per exempel il Premi dal film svizzer 2016, igl act festiv dalla Fiasta federala da sgugialaders Tavau Claustra 2014 ed il december 2013 la Saira grischuna rumantscha ella Casa federala, ina occurrenza pil giubileum dils 75 onns romontsch sco lungatg nazional. 

El december 2012 finescha Maria Victoria Haas cun success siu studi da perfecziunament CAS en communicaziun politica ella ZHAW a Winterthur.

 

pdf download

lungatgs

Romontsch, spagnol … lungatgs mumma

Tudestg … discurriu currentamein

Franzos, talian, engles, latin … fetg bunas enconuschientas

SCOLAZIUN

  • 2009 … Scolaziun da moderatura tier Eberhard Wolf, Schweizer Fernsehen Turitg
  • 2009 … Diplom da concert da cant ella Hochschule der Künste a Berna (classa Prof. Elisabeth Glauser)
  • 2006–2008 … Studi el Schweizer Opernstudio a Bienna
  • 2006 … Diplom d’instrucziun da cant ella Hochschule der Künste a Berna (classa Prof. Elisabeth Glauser)
  • 2000 … Matura tip B (latin e lungatgs moderns) ella Scola cantunala a Cuera

PERFECZIUNAMENT

  • December 2012 … CAS en communicaziun politica, ZHAW Winterthur
  • Avregl 2010 … Uras da cant tier Doris Yarick-Cross, New York
  • Mars 2010 … Uras da cant tier Ortrun Wenkel, Heidelberg
  • 2006 tochen oz … Uras da cant tier Prof. Ingrid Kremling, Hamburg

PREMIS

  • 2006 … Premi da promoziun dil Cantun Grischun
  • 2003 … Prix jeunesse dil fonds da cultura Eliette von Karajan